Kur je personazh i njohur mund të ndodhë të rastisësh me të njëjtën veshje si një person tjetër edhe pse nuk je pjesë e të njëjtit eveniment. Në fakt ndodh shpesh që figura të njohura të ekranit të bëjnë xing me njëra-tjetrën.
Këtë herë ka qenë radha e Miriam Canit, e cila ka veshur po të njëjtën veshje si prezantuesja e njohur e ekranit rus, Yulia Baranovskaya. Edhe pse shumë larg njëra-tjetrës, në rrjetet sociale kanë dalë foto të vajzave ku duken të veshura njësoj.
E mbani mend veshjen e këngëtares kur ishte e ftuar në një nga puntatat e “Në Kurthin e Piter Panit”? Atë natë Miriam Cani kishte zgjedhur të vishte një xhaketë të bardhë dhe një fund me tyl, veshje kjo e stiluar nga Elisabetta Franchi.
Fotot e bukurosheve janë bërë publike nga vetë stilistja e veshjes në rrjetin social “Instagram”, ku gjithashtu i ka përmendur dy vajzat në postim, si Miriam Canin edhe Yulia Baranovskaya-n.
