Rreth një muaj më parë, moderatorja Arbana Osmani u bë nënë për herë të dytë.
Ajo dhe partneri, Eduart Grishaj, u bënë prindër të vogëlushit Diell ndërsa Joni u bë me vëlla.
Tashmë, Arbana është bërë një nënë me kohë të plotë e cila mezi gjen disa minuta për veten për shkak të dy djemve.
Megjithatë, ajo nuk na i kursen herë pas here edhe momentet e ëmbla me të birin, Diellin, në rrjete sociale.
Sot, dita e Arbanës dhe dy vogëlushëve ka nisur ngrohtë, ndërsa në InstaStory moderatorja na ka treguar paraditen e tyre.
Në njërën prej videove, moderatorja ka publikuar momentin e ëmbël kur maçoku i tyre përkëdhel lehtë dorën e Diellit, portreti i të cilit nuk duket.
Maçoku është gjithashtu miku i preferuar i Jonit, i cili shfaqet në një tjetër video duke luajtur me të.
Arbana ka ndarë shpesh me ndjekësit “vuajtjet” e saj për shkak të mëmësisë dhe këtu përmendim netët e gjata pa gjumë.
Mirëpo, mëmësia i ka edhe këto shqetësime të vogla që harrohen totalisht para dashurisë së madhe për foshnjën tënde.
Nënat duhet ta kuptojnë më mirë!
