Këngëtari i mirënjohur kosovar, Ramadan Krasniqi, apo siç njihet ndryshe me emrin Dani, është bërë gjysh. Vajza e tij solli në jetë një djalë i cili quhet Daed. Këtë lajm e ka bërë të ditur vetë këngëtari, i cili ka publikuar në rrjetin e tij social Instagram një foto me nipin në krah dhe na ëmbëlësoi të gjithëve me këto pamje.
”Mire se erdhe në jetë nipi jem Daed”, ka shkruar Dani.
Ramadan Krasniqi ka shumë vite në botën e skenës dhe ekranit shqiptar dhe këngët e tij kanë mbetur gjatë në memorien e gjithsecilit. Bashkëpunimi i tij më i veçantë ishte ai me Luana Vjollcën, për vetë faktin që ato përfaqësojnë dy rryma të ndryshme në të kënduar. Kënga mbart titullin “Sonte” dhe ka arritur të ketë miliona dëgjime në kanalin “Youtube”.
“Unë vdes për këngë që të përcjellin shumë energji pozitive dhe lumturi. Shijojeni”, është shprehur Luana.
Kënga është ritmike dhe sigurisht Luana duket më e kuruar sesa kurrë në këtë klip. Melodia dhe teksti i këngës është realizuar nga Filloreta Raçi ose siç njihet ndryshe Fifi. Mund të themi se pas suksesit të Luanës me bilbilin e muzikës shkodrane Bujar Qamili, ajo guxoi me një tjetër legjendë të muzikës popullore, këtë herë në Kosovë.
