Ajo e kuron deri në detaj paraqitjen e saj duke qenë një stiliste me emër, por të enjten Victoria Beckham i çuditi të gjithë kur u fotografua me një palë këpucë dy numra më të mëdhenj.
45-vjeçarja mbante veshur një palë këpucë me takë ngjyrë jeshile neon, që i rrinin bosh në pjesën e thembrës.
Të paktën 2 cm hapësirë dallohej në fotot e publikuara nga “Daily Mail”. Megjithatë le të lëmë këpucët dhe të pranojmë se Victoria dukej shumë me stil e veshur me një bluzë të bardhe dhe xhinse të zeza.
Fotot e saj nga SHBA vijnë menjëherë pasi koleget e Spice Girls u shfaqën në Wembley në Londër të enjten mbrëma në koncert.
Victoria nuk ka pranuar të marrë pjesë në turin e tyre edhe pse ju uron shumë fat në këtë nismë pas kaq shumë vitesh.
