Duket se bota u ndal kur fotot nudo të Orlando Bloom, duke bërë sërf me të dashurën e tij Katy Perry në Detin Mesdhe, u bënë virale në fillim të muajit. Dhe tani ish-bashkëshortja e aktorit, Miranda Kerr, më në fund theu heshtjen për imazhet nudo të tij në publik.
33-vjeçarja tha se ngeli e shokuar, kur aktori e paralajmëroi atë për fotot e rralla që ishin publikuar.
Duke folur për një radio në Australi, ajo qeshi: “O Zot, ai më shkroi mesazh, “Jam shumë në siklet, do të publikohen disa foto. Thjesht mendova të vija në dijeni”. Ndërsa unë isha, “Çfarë po mendoje? Seriozisht, çfarë po mendoje?”… dukshëm që ai nuk po mendonte”.
Nëna e djalit 5-vjeçar të Orlando-s, Flynn, gjithashtu bëri shaka se do t’i dërgonte aktorit të “Hollywood”-it disa rrobabanje nga koleksioni i ri “Bonds”, ku ajo pozon.
“Do t’i dërgoj Orlando-s rrobabanje (të gjata dhe të shkurtra), sepse ju e dinit që atij mund t’i pëlqejnë të dyja… ose asnjëra”, tha duke qeshur Miranda.
Ish-modelja e “Victoria’s Secret” bëri shaka, kur Kyle i përmendi fotot e imazhit nudo të Justin Bieber në Hawaii.
“Bieber bëri një paraqitje nudo pas tij. Unë mendova se sa e gjatë do të ishte lista e celebrities që do të shfaqeshin pa rrobabanje”, ndërsa më pas u bëri reklamë markës që e ka zgjedhur atë si imazhin e bikinit: “Mbulohuni meshkuj! Mendoj se Bonds mund t’u dërgojë të gjithë këtyre meshkujve që bëjnë foto nudo një palë rrobabanje”.
Miranda u martua me Orlando-n në 2010-n dhe u divorcuan në 2013-n.
Burimi: Daily Mail
