Nga dje jeni në gjendje të bëni sondazhe, me të gjithë miqtë tuaj në rrjetet sociale, e gjithë kjo falë funksionit më të ri interaktiv të “Instagram”-it.
Që nga 3 tetori, “Instastory” iu lejon t’u bëni pyetje ndjekësve tuaj dhe jeni në gjendje të shihni rezultatet në kohë reale, ndërsa ata votojnë. Mundësitë janë të pafundme: A duhet të ha picë apo sallatë për darkë? Cilat këpucë duken më bukur me veshjen time? Është ora 20:30 koha e duhur për të fjetur? Asnjëherë mos i ndërmerrni të vetëm vendimet!
Sondazhi ju lejon që të bëni pyetje të mbyllura me dy alternativa si përgjigje dhe ndjekësit do të mund të zgjedhin një prej opsioneve.
Pasi të keni bërë një foto apo një video, thjesht zgjidhni “sticker”-in që shkruan “poll” (“sondazhe”), shkruani pyetjen tuaj dhe më pas dy alternativat e përgjigjes.
Ndjekësit menjëherë mund të fillojnë votimin dhe do të keni mundësi, të shihni rezultatet në kohë reale. Ashtu si të gjitha postimet në “Instastory”, sondazhet dhe rezultatet do të zhduken pas 24 orësh.
Burimi: Elle
