Kombëtarja shqiptare luan sot miqësoren e parë të qershorit ndaj Lihtenshtejnit në stadiumin “Haladas Sportkomplex” të Hungarisë në kuadër të përgatitjeve për “Euro 2024”.
Departamenti i Komunikimit në FSHF bën me dije se trajneri Silvinjo ka vendosur të ketë 22 lojtarë në stol për këtë sfidë, ndërsa pesë prej tyre do të jenë në tribunë dhe do nuk do të aktivizohen. Bëhet fjalë për futbollistët Berat Gjimshiti, Taulant Seferi, Amir Abrashi, Ylber Ramadani dhe Simon Simoni, të cilët janë lënë pushim për këtë sfidë si zgjedhje teknike e trajnerit të Kombëtares.
Armando Broja, do të jetë në majë të sulmit, i mbështetur nga krahët nga Asani dhe Arbër Hoxha. Është pikërisht sulmuesi i krahut të majtë risia në këtë formacion. Në mesfushë janë Asllani, Gjasula dhe Bajrami, ndërsa në mbrojtje, nga e djathta është Balliu, në qendër Ismajli-Ajeti dhe në të majtë Mitaj. Titullar i portës, Etrit Berisha.
