Bruno, këngëtari i labelit “Threedots” feston ditëlindjen dhe i pari që nxitoi për ta uruar ishte kolegu, ose më saktë vëllai i tij i madh, Klajdi Haruni. Ky i fundit ka publikuar në Instagram një foto me Brunon dhe i ka shkruar disa fjalë, me të cilat vetëm miqtë e zemrës mund të të urojnë.
“Gëzuar ditëlindjen koleg, shëndetshëm, e me gjithë të mirat e paç jetën ashtu siç e ke shpirtin! Me fat që kam dhe një vëlla të vogël”, ka shkruar Klajdi përkrah fotos.
Dyshja kanë treguar se gëzojnë një miqësi të rrallë, që shumë pak personazhe kanë brenda botës së showbizit. Ata janë njohur bashkë vite më parë dhe si pjesë e të njëjtit label kanë realizuar disa duete. Dy nga këngët më të njohura të tyre janë “Mbase” dhe “Oj Lulije”, që kanë rezultuar hite të vërteta.
