Elon Musk, i cili po përpiqet të blejë platformën Twitter, zbuloi se ka biseduar me Kanye West për postimin antisemitik që e pezulloi atë nga platforma gjatë fundjavës.
“Bisedova me Ye sot dhe shpreha shqetësimet e mia në lidhje me postimin e tij të fundit në Twitter, të cilin mendoj se e mori shumë afër zemrës”, shkroi 51 vjeçari.
Musk i cili është mik me reperin prej vitesh, më parë mirëpriti autorin e “Gold Digger” përsëri në platformë të shtunën, pak pasi Instagrami i pezulloi llogarinë e tij për postime antisemite një natë më parë.
Ky rikthim i West në Twitter shënoi herën e parë që nga nëntori i 2020, në kohën kur ai trazoi rrjetin me deklaratat kundër ish-bashkëshortes Kim Kardashian dhe nënës së saj, Kris Jenner.
Musk është vetëm një nga shumë të famshëm që kanë marrë masa kundrejt sjelljes së Ëest në mes të reagimeve të vazhdueshme për postimet e diskutueshme.
Aktori Morgan Spector i krahasoi këto veprime të West si një mënyrë që ai të tërhiqte vëmendjen, sic shërbën ngjyra e kuqe për demat.
Këngëtari tjetër John Legend komentoi në mënyrë sarkastike se si West, një “mendimtar i lirë, i pavarur”, mund të “mbërrinte në të njëjtin anti errësirë dhe antisemitizëm”.
Ndërkohë, Jamie Lee Curtis iu lut West përmes Twitter-it që “të lutem ndalo”, sepse “fjalët e tij nxisin dhunë”. Ylli i “Halloween” shtoi në një intervistë në emisionin “Today” se ajo “shpërtheu në lot” pas komenteve.
Reperi i “Flashing Lights” ende nuk i është drejtuar apo përgjigjur postimit në Twitter të Musk.
