Të qëndruarit miq me ish-in pas ndarjes vijon të jetë një temë mjaft e diskutuar në vendin tonë edhe për faktin që ndarja në përgjithësi konceptohet si diçka e dhimbshme që përfundon gjithmonë keq!
Por ne kemi pasur mjaft shembuj që tregojnë se jo gjithnjë ndarjet mund të përfundojnë me zënka e grindje. Rasti i Dafina Zeqirit dhe Dj Geek, ka tërhequr sërish vëmendjen e mediave në 24 orët e fundit, për shkak të disa komenteve mjaft emotive që ata vijojnë t’i lënë njëri-tjetrit edhe pas ndarjes.
Pas pushimeve që i kaluan bashkë në bregdetin shqiptar, Dafina ngriti dyshime për një rikthim duke thënë se ende ndihet e dashuruar. Autorja e hitit “A je pendu” tha se ka një dashuri të madhe brenda saj, duke mos e përmendur emra, por s’do mend se cili ia ka vjedhur zemrën.
“Jam ende pak e dashuruar se kam dashni shumë të madhe kështu që është ende këtu, brenda meje”, ka pohuar Zeqiri duke shtuar se në fakt do donte të mos dashuronte kaq fort, pasi më parë ka qenë edhe më ndryshe, megjithatë mendon se tashmë nuk mund të ndryshojë më, duke shtuar se dashuria është nga gjërat më të mëdha, bashkë me muzikën”.
Nuk e dimë nëse dyshja mund të rikthehet bashkë, por duhet të mësohemi me faktin që mund të mbeten vetëm miq dhe se komentet në profilet e njëri-tjetrit do të vijojnë njësoj si më parë.
Edhe nëse rikthehen, me siguri që këngëtarja nuk do ta bënte më publike ashtu siç ndodhi pak muaj më parë, kur publikoi foto me Geek, për të cilat u pendua dhe i fshiu menjëherë.
https://www.instagram.com/p/CCOljAKAi2N/?utm_source=ig_embed
