Ori Nebijaj dhe Isli Islami janë dyshja më e diskutuar e televizionit, për shkak të kimisë që kanë shfaqur që në fillim bashkë. Në shumë raste është dyshuar për një raport më shumë se miqësor mes tyre dhe shpesh fansat janë shprehur të bindur se ata janë të lidhur bashkë.
Edhe pse dyshja nuk i kanë konfirmuar kurrë këto zëra, dyshimet kanë vazhduar gjithmonë. Mirëpo sot, Ori Nebijaj e ka mbyllur një herë e mirë këtë çështje, duke thënë se ajo dhe Isli janë thjesht miq shumë të mirë. E ftuar në rubrikën “N’Fermë”, ajo u shpreh se me Islin ka vërtetë shumë kimi, por nuk ka asgjë më shumë përtej miqësisë së tyre.
“Ne kemi shumë kimi, por jemi miq të mirë asgjë më shumë. E dimë që shumë do të donin të na shihnin bashkë dhe si çift, por jo. Ne kemi një kimi shumë të mirë si kolegë që jemi dhe duhet ta dini që kjo është shumë e rrallë mes kolegësh”, tha Ori.
Kur u pyet nga Ervin Kurti nëse i pengon kjo gjë në lidhjet e tyre respektive, moderatorja u përgjigj me shaka: “Jo, mos na i qaj hallin”.
Kështu pra, Ori dhe Isli janë thjesht shokë shumë të mirë dhe na vijnë si një shembull perfekt se mund të ekzistojë miqësia e pastër edhe mes një vajze e një djali.
