Ministrja e Shëndetësisë Ogerta Manastirliu u ka bërë thirrje të gjithë mjekëve apo studentëve të universitetit Mjekësor që të bashkohen në luftën kundër Koronavirusit.
Në një deklaratë për shtypin ajo ju kërkoi studentëve të jenë të të gatshëm për të ofruar ndihmë në spitale apo shërbimet mjekësore.
Të gjithë studentët që do të vetëofrohen mund të aplikojnë në dy portalet e qeverisë.
“Situata e krijuar nga koronavirusi i ri është një sfidë, por secili nga ne ka një rol të veçantë në veprime apo në mos veorime. I gjithë sistemi ynë shëndetësor është i mobilizuar për të përballuar këtë siuatë të vështirë. Mjekët janë vendosur në vijën e parë të betejës, por çdo ndihmë shtesë është padyshim e dobishme si kurrë më parë. Dua të bëj një thirrje publike për çdo person që ka lidhje me fushën mjekësore. Të gjithë ata që ndihen të gatshëm, studentët e mjekësisë, dhe kan dëshirë që t’i japin një dorë mjekësisë tonë, janë të lutur të në bashkohen. Sot jemi në situatën ku shëaqja e vlerave mund të bëjë diferencën. Çdokush që mendon se mund të bëjë diferencën është i ftuar të na bashkohet në këtë luftë, mund të aplikoni në dy portalet tona, në Mjek për Shqipërinë dhe në portalin Infermier për Shqipërinë”, u shpreh Manastirliu ndër të tjera.
Të njëjtin mesazh përsëriti edhe rektori Arben Gjuta. Në një video-mesazh ai bëri thirrje për shtim të personelit mjekësor.
“Të dashur studentë sot është një moment i rëndësishëm. Ju që në të ardhmen do të jeni pjesë e këtij sistemi jeni të ftuar të na bashkoheni që sot. Është kënaqësi për ne që ju kemi bërë të bëni betimin e Hipokratit që në nisje të shkollës dhe presim që t’i qëndroni besnik. Jeni të mirëpritur të gjithë studentët e fushave mjekësore, është një thirrej që do t’ju vërë në të njëjtën barrikadë me profesorët tuaj dhe me kolegët tuaj më të mëdhenj në moshë. Kjo thirrje shkon edhe për studentët e universiteteve private. Kjo situatë do të kalohet shumë shpejt dhe të gjithë ju që do t’i bashkoheni kësaj nisme do të ndjeheni krenarë dhe të lumtur”, shtoi ai.
