Ministri i Shëndetësisë në Turqi ka ngritur alarmin për Koronavirusin në vendin tonë pasi deklaroi se një 86-vjeçare amerikane e infektuar me Koronavirus ka qenë në Tiranë.
Ai ka shkruar në Twitter se ajo kishte udhëtuar nga Stambolli për në aeroportin e Tiranës dhe më pas në SHBA.
“U shpërnda lajmi se një paciente femër amerikane pasi u kthye nga Turqia u diagnostikua me Koronavirus. Në të dhënat e 2 javëve të fundit, ekziston një shtetase e vetme amerikane, një grua 86-vjeçare. Ajo ishte për vizitë në Turqi. Më 3 mars, nga Stambolli do të shkonte në Tiranë për në Uashington”, shkruan ministri në Twitter.
Nuk dihet nëse kjo shtetase ka qëndruar në Tiranë, është kontrolluar apo jo në aeroportin tonë, apo sa persona ka takuar teksa ka qëndruar aty për destinacionin e radhës.
Reagimi i ministrit vjen pas lajmit të publikuar nga mediat amerikane se një 86-vjeçare amerikane ishte infektuar me Koronavirus pasi ishte kthyer nga pushimet në Turqi.
Ministria e Shëndetësisë në Turqi, njoftoi se një pacient mashkull u diagnostikua me Koronavirusin e ri.
Ky është rasti i parë i konfirmuar në Turqi me Koronavirus. Personi është në izolim dhe familjarët e pacientit janë nën vëzhgim.
