Një grua e moshuar 73-vjeçare, është një nga 10 të infektuarit me Koronavirus në Shqipëri.
Sipas informacioneve të fundit, gruaja është në gjendje të rëndë shëndetësore, dhe nga spitali infektiv i Durrësit, mbrëmjen e djeshme është dërguar në reanimacion.
“Shqiptarja.com” bën me dije se e moshuara me inicialet Xh., G., e cila është e sëmurë kronike prej disa vitesh nën survejimin e mjekëve, mbrëmë ka pasur tension të lartë 140/70.
Nën kurim janë edhe 3 persona të tjera. Në spitalin Infektiv të Tiranës në QSUT ndodhen babë e bir, dy të infektuarit e parë, 28 dhe 54 vjeç, dhe një 31-vjeçar që nuk kishte pasur kontakt me ta por që ishte kthyer pak ditë më parë nga Milano pas një vizite 1 ditore.
Gjashtë personat e tjerë të infektuar me Koronavirus, që kanë pasur kontakt me dy rastet e para, janë izoluar në shtëpi nën mbikëqyrjen mjekësore. Gjendja e tyre sipas mjekëve, paraqitet e stabilizuar.
/Shqiptarja
