Duhet që ta shikonim të veshur me uniformën e lojtarëve të futbollit, për të dalluar këtë detaj që na kishte shpëtuar nga ministri i Brendshëm, Saimir Tahiri.
Gjatë së mërkurës, ministrat e kabinetit Rama dhe diplomatët e huaj, kaluan disa momente argëtuese teksa luajtën futboll kundra njëri-tjetrit. Por ajo që u diskutua më shumë, përveç fitores, ishte pikërisht tatuazhi në këmbën e djathtë të ministrit Tahiri.
I veshur me kostum sportiv me pantallona të shkurtra, Tahiri ekspozoi tatuazhin mbi gjurin e tij të djathtë në të cilin dallohet një piramidë dhe në të dy anët e saj, një shkrim i padeshifrueshëm për shkak të largësisë së fotove.
Piramida njihet si simbol i shoqërisë sekrete Iluminati (Të ndriçuarit), që pretendohet të kenë njohuri të paaksesueshme nga njerëzit e thjeshtë.
Menjëherë pas kësaj fotografie nisën edhe komentet, të cilat e etiketojnë ministrin Tahiri si pjesë të grupit Iluminati ose adhurues të tij.
Se sa lidhet ky tatuazh me Iluminati-n, apo ka një domethënie të veçantë, kjo mund të sqarohet vetëm nga ministri Tahiri, para se debati të marrë përmasat e një “çështje kombëtare”.
*Shfleto galerinë
