Kush tha që edhe ministrat nuk mund ta frekuentojnë jetën e natës? Një prej tyre është ministri i Financave, Arben Ahmetaj, i cili duket se për të lënë mënjanë një javë të “lodhshme” pune i drejtohet klubeve të natës.
Ahmetaj, i cili mori detyrën në krye të Ministrisë së Financave më 18 shkurt të këtij viti, u dallua mbrëmjen e së shtunës në një nga lokalet e natës në zonën e ish-Bllokut.
Në fotografitë e publikuara nga “Iconstyle.al”, dallohet se ministri u paraqit në klub bashkë me një prej miqve të tij.
Ajo që binte në sy ishte paraqitja e tij e thjeshtë, përshtatur ambientit. Ndoshta ministrin Ahmetaj e pamë si kurrë më parë me shumë stil, me një palë xhinse të grisura dhe një bluzë të kuqe. Ai kishte lënë mënjanë kostumin zyrtar, të cilin e mban veshur gjatë javës për të respektuar kodin e etikës.
Ne mësuam dhe një detaj që shumë prej nesh nuk e dinte më parë për të! I njëjti burim tregoi për “Iconstyle.al” se, Arben Ahmetaj preferonte të tymoste puro teksa shijonte pijen. Por në mungesë të një mjeti për ta ndezur, ai iu drejtua një tavoline ngjitur, ku ndodheshin ulur dy femra simpatike.
Kujtojmë se Ahmetaj ka punuar në dikasterin ku vilen të ardhurat e shtetit dhe kontrollohen shpenzimet që në vitin 1992, ndërsa është i martuar me Albina Mançkën dhe ka dy vajza, Livian dhe Kejsin. E shtuna duket se për ministrin është me shoqërinë!
*Shfleto galerinë
Burimi: Iconstyle
