Ministri punëve të brendshme, Bledi Çuçi, është duke zhvilluar një vizitë në Liban.
Qëllimi kësaj vizite lidhet me krijimin e kushteve për të riatdhesuar nga kampet Al Hol dhe Roj të gjitha gratë dhe fëmijët shqiptarë.
Gjeneral Abas Ibrahim, i cili ka një ndikim të jashtëzakonshëm në Lindjen e Mesme është shprehur në takimin me Ministrin Çuçi se do të bëjë çdo gjë të mundur duke përdorur influencën e tij tek kurdët dhe me çdo çmim për të riatdhesuar të gjithë gratë e fëmijët shqiptarë nga kampet e Sirisë.
Mesazhi i ministrit:
Në vijim të angazhimit të qeverisë shqiptare për riatdhesimin e shtetasve shqiptarë që ndodhen në kampet siriane, prej dy ditësh ndodhem në Beirut. Bashkë me Konsullin e Përgjithshëm të Shqipërisë në Liban, Marc Ghorayeb dhe Drejtorin e Drejtorisë së Antiterrorit në Policinë e Shtetit, Gledis Nano, zhvillova një takim me drejtorin e përgjitshëm të sigurisë në Liban, Gjeneral Major Abas Ibrahim. E falenderova Gjeneralin për gjjthë kontributin e tij të çmueshëm në këtë proces dhe e garantova për vijimin e bashkëpunimit mes dy vendeve tona në çështje të sigurisë dhe sidomos në finalizimin me sukses të këtij operacioni të vështirë në një kohë sa më të shkurtër. Vizita në Beirut është gjithashtu tregues domethënës i këmbënguljes së qeverisë shqiptare për riatdhesimin e shtetasve shqiptarë nga Siria. Do të punojmë me po të njëjtin përkushtim dhe vendosmëri për të finalizuar me sukses edhe këtë operacion ashtu sikundër bëmë radhën e parë.?
Në vijim të angazhimit të qeverisë shqiptare për riatdhesimin e shtetasve shqiptarë që ndodhen në kampet siriane, prej…
Posted by Bledi Çuçi on E enjte, 25 Shkurt 2021
Besohet në kampet e Sirisë ndodhen mbi 50 gra dhe fëmijë në pritje të kthimit në atdhe.
Në muajin tetor të vitit që lamë pas u bë riatdhesimi i katër fëmijëve dhe gruas së parë nga kampi i Al-Holit në Siri. Gjysmëhëna e Kuqe siriane në bashkëpunim me autoritetet vendase kanë mundur që të kthejnë në vendlindje Floresha Rashën dhe tre fëmijët e saj, Amar, Emel dhe Hatixhe.
Bashkë me ta u rikthye edhe Endri Dumani, i cili tanimë i ka mbushur 12 vjeç. Sakaq, mbetet ende mister fati i motrës së tij, Evës, e cila nuk pranoi që të kthehej në Shqipëri nga frika se nëse do të kthehet në atdhe do e çojnë në jetimore!
View this post on Instagram
