Pak kohë më parë u përfol se krimineli më seksi në botë, Jeremy Meeks dhe e fejuara e tij miliardere, Chloe Green, ishin ndarë pas një grindjeje në Dubai. Por ndërsa Chloe qëndroi e heshtur për situatën u dallua me partnerin në një udhëtim romantik në Tajlandë, të dielën.
Trashëgimtarja e “Topshop”-it, e cila ka një djalë 10-muajsh të quajtur Jayden me modelin, dukej e lumtur dhe e qetë ndërsa po voziste me kanoa drejt jahtit.
“Ata dukeshin të lumtur, ndërsa përqafoheshin dhe bënin foto”, tha një dëshmitar.
Kjo dëshmon se mes tyre gjërat janë rikthyer si më parë, pas grindjes së 19 shkurtit në një klub nate. Madje pas debatit Jeremy ishte larguar nga lokali, ndërsa pas ngjarjes ajo ishte nisur me avion për në shtëpinë e saj vetëm në Monako.
Chloe, vajza e miliarderit Philip Green, në fotot e publikuara pas incidentit në Instagram u dallua pa unazën e saj të fejesës, si një mesazh se marrëdhënia e tyre prej 18-muajsh mund të ishte e tensionuar.
Burimi: Daily Mail
