Miley Cyrus dhuroi një performancë mjaft emocionuese në “Super Bowl” të mbajtur në Florida. Teksa ishte duke performuar hitin e saj “Wrecking Ball”, Miley shpërtheu në lot dhe iu desh të ndalonte së performuari. Ndërkohë që ishte duke kënduar “Don’t you ever think, i just walked away, i will always want you”, zëri i Miley filloi të shuhej dhe të dridhej. Këngëtares ju desh pak kohë sa të mblidhte veten nga emocionet, të fshinte lotët dhe t’ja niste nga e para. Pavarësisht kësaj ajo arriti ta mbyllte performancën e saj me sukses dhe i shpjegoi publikut përse u prek aq shumë.
https://www.youtube.com/watch?v=DGaP_rl8ZRo
Miley shpjegoi se ajo përpiqet ta ruajë shumë veten e saj, por zemra i është thyer shpeshherë dhe ndaj nuk mundi të mbante lotët në këtë këngë kaq të ndjerë. Në fakt të gjithë fansat mendojnë se këngëtarja ka kujtuar Liam Hemsworth dhe ndaj është përlotur, duke qenë se edhe “Wrecking Ball” besohet se i dedikohet pikërisht atij.
Madje në një intervistë të dhënë në dhjetor të vitit të shkuar, Miley u shpreh se vazhdon ende ta dashurojë aktorin, me të cilin u nda në gusht të 2019-s.
“Unë realisht e doja shumë, shumë dhe vazhdoj ende, gjithmonë do ta dua”, u shpreh Cyrus, duke shtuar se marrëdhënia mes tyre nuk mund të vazhdonte më gjatë për shkak të konflikteve të shpeshta që kishin me njëri-tjetrin.
Miley ka treguar shpesh se ajo e ka përjetuar shumë keq divorcin nga Liam, aq sa e ka krahasuar më vdekjen, madje e ka përshkruar më keq se vdekjen.
“Unë pata një ndarje të madhe publike, që mori fund pas 10 vitesh lidhje… Është si vdekje kur ti humb një dashuri aq të thellë. Është njësoj si vdekja. Sinqerisht, ndonjëherë vdekja duket më e lehtë, sepse kur ndahesh ai person vazhdon ende të ecë në tokë”, është shprehur ajo në intervistë.
