Miley Cyrus u bë e njohur për publikun në të gjithë botën me rolin e Hannah Montana-s. Gjithë adoleshentët janë çmendur për aktoren këngëtare Hannah.
24-vjeçarja, që prej vitit 2003, u shndërrua në yllin kryesor të filmit, dhe më vonë emri i saj u bë i njohur edhe si këngëtare dhe kompozitore. Ajo pësoi edhe një transformim total në pamjen e saj. Nga Hannah Montana e ëmbël dhe e admiruar nga të gjithë adoleshentët, ajo u shndërrua në një vajzë seksi dhe aspak e turpshme.
Pavarësisht këtij ndryshimi rrënjësor, këngëtarja ka ardhur në përfundimin se roli i Hannah Montana-s ka lënë një shenjë të pashlyeshme në mendjen e saj. Ajo ka shpjeguar se linjat e paqarta mes përfaqësimit të vetës dhe të Montanës kanë shkaktuar një ndikim konfuz në trurin e saj.
“Unë mendoj se njerëzit e pëlqenin Hannah Montanën sepse ka qenë një personazh shumë real dhe kjo për shkak se unë fshihesha pas saj. Por pas kësaj ka qenë shumë e vështirë për mua të balancoja gjithçka. Kur fillova turneun si të dyja, jam përfaqësuar si Hannah Montana dhe si unë , dhe mendoj se kjo ka lënë shenja jo të mira tek unë. Kjo ka shkaktuar disa dëme në psikikën time”: ka thënë Cyrus.
