Ndërkohë që Beyonce mbushi 36 vjeçe ditën e djeshme dhe gjithë urimet dhe lajmet dhe çdo gjë tjetër në Internet ishte për të, miqtë dhe të afërmit e saj e uruan me një gjest tepër skenik.
Duke nisur që nga Ish-Zonja e parë, Michelle Obama, për të vazhduar me Serena William, vajza e saj Ivy Blue Carter, ish-pjesëtarët e grupit Destiny’s Child apo vetë e ëma, Tina Knowles, u veshën njësoj si Bey në klipin e saj “Formation”.
“Gëzuar ditëlindjen Beyonce nga familjarët dhe miqtë”, shkruhej në mesazhin bashkangjitur këtij seti fotografik të postuar në sajtin e Beyonce.
Ky dedikim nuk ishte vetëm për “Queen B”, por një rast i veçantë për të drejtuar vëmendjen në diçka që lidhet ngushtë me këngëtaren.
Poshtë urimit, uebsajti iu bën thirrje të gjithë vizitorëve të japin ndihmën e tyre për të prekurit nga uragani Harvey, ngjarja e cila ndodhi në vendlindjen e saj më 25 gusht.
