Michele Obama: Çfarë do më mungojë nga Shtëpia e Bardhë

Zonja e Parë e Amerikës, Michele Obama ishte e ftuar të martën në emisionin e Ellen DeGeneres, ku foli për largimin e familjes së saj nga Shtëpia e Bardhë.

Pas përfundimit të presidencës së Barack Obama-s, Michele tregoi për përgatitjet që familja e saj po bën për t’u larguar, ndërsa shtoi se do t’i mungojë personeli i Shtëpisë së Bardhë, me të cilin janë rritur vajzat e saj.

“Vajzat janë rritur në Shtëpinë e Bardhë. Unë dua të them që stafin që është aty, e shohim çdo ditë. Këta janë njerëz që na kanë ndihmuar të rrisim fëmijët tanë. Ata na kanë dashur, janë kujdesur për ne. Kjo është ajo që do të na mungojë kur të largohemi. Janë njerëzit ata që do të na mungojnë”.

Kur shtoi se Sasha 15 vjeç dhe Malia, 18 vjeç, janë të gatshme për t’u shpërngulur, Zonja e Parë u shpreh e sigurt se vajzat do të kenë një kohë të vështirë deri sa të ambientohen në shtëpinë e re.

Burimi: Harper’s Bazaar