Ardit Gjebrea ka planifikuar një surprizë për të gjithë fansat e muzikës së tij. Moderatori i njohur do të rikthehet me një këngë shumë shpejt.
Ai ka dhënë lajmin e shumëpritur përmes një fotoje të publikuar në Instagram, ku shfaqet pranë një mikrofoni.
“Ai momenti kur je në dimension tjetër…”, shkruan artisti duke nënkuptuar se tashmë ndodhet në studio duke punuar më tekstin e një këngë.
Nuk e dimë nëse projekti i ri muzikor do të prezantohet në edicionin e 20-të të festivalit “Kënga Magjike”, por fansat e tij mezi po presin.
“Presim ndonjë surprizë nga ty, sepse na kanë munguar shume këngët kënduar nga ty”, i shkruan një komentues në Instagram.
Herën e fundit që e pamë Arditin duke kënduar ishte në festivalin “Kënga Magjike” 2017, bashkë me Anna-n e tij të vogël.
“Kënga Magjike” mos do të na sjelli përsëri edhe sivjet një këngë magjike si ajo me Anna-n? Lutem që po”, shkruan një tjetër.
