Efi ka qenë një ndër konkurrentet më të komentuara të “Për’Puthen” sezonin që kaloi. Ajo ka qenë së fundmi e ftuar në “Top Arena” ku ka folur për jetën e saj personale si dhe i është përgjigjur edhe disa pyetjeve pikante.
Ajo u pyet edhe për Mevlanin, i cili së fundmi ka pranuar se është në një lidhje dashurie me këngëtaren Albulena Ukaj.
Por cili është komenti i Efit për marrëdhënien e Mevlanit?
“Po e uroj publikisht, shyqyr Mevlan gjete nuse”, tha ajo kur e pyeti Ed Manushi.
Ish-konkurrenti i “Për’puthen”, Mevlan Shaba ka prezantuar së fundmi partneren e tij, këngëtaren, Albulena Ukaj.
Dyshja zhvilluan intervistën e tyre të parë si çifti më i ri i showbizit shqiptar, ku rrëfyen historinë e tyre të dashurisë.
Mevlani zbuloi se kontakti i tyre i parë ka qenë pasi ai i publikoi në Instagram këngën e saj të re. Albulena tregon se pas kësaj ata filluan të shkëmbenin mesazhe, derisa Mevlani e ftoi për një bashkëpunim.
“Pas disa ditë komunikimi, s’kemi pas asnjë lloj shkëndije, vetëm çështje pune kemi diskutuar”, tha ajo, ndërsa zbuloi se ishte Mevlani i pari që shprehu ndjenjat.
“Te Mevlani më pëlqen çdo gjë, karakteri i tij si njeri , shpirtbardhësia e tij dhe shumë gjëra të tjera që kompletojnë një mashkull ashtu siç un e pëlqej”, shtoi ajo.
