Mbrëmjen e djeshme me largimin e Teas dhe Andit nga “Për’puthen” hynë dy personazhe të rinj, një vajzë dhe një djalë. Vajza quhej Antonela Berisha, ndërsa djali Rinian Leka.
Sapo hyri në studio Antonela trazoi ujërat duke u shprehur se nga ekrani kishte krijuar një pëlqim për Atdheun dhe Mevlanin, por ishte zhgënjyer disi, sepse asnjë nga djemtë nuk e kishte përshëndetur në prapaskenë. Ajo krijoi edhe xhelozi tek vajzat e tjera, sidmos tek Melisa dhe Lediana që kanë pasur takime me herët me dy djemtë.
Edhe ditën e sotme ajo i ka bërë të gjithë lëmsh dhe “sulmoi” vajzat e tjera. Ajo u shpreh se ka ardhur të rrëmbej djemtë, sepse vajzat e tjera nuk dinë t’i kapin. Antonela shtoi se Mevlani ka 3 muaj në emision dhe nuk ka gjetur ende një nuse.
“Mevlani më tha në prapaskenë mirë që erdhe se kisha vendosur të ikja. Më tha po mos të jesh ti zgjedhja ime unë do dal nga Për’puthen dhe më dha fjalën e burrit”, u shpreh Antonela.
Ndërsa Mevlani nuk i pohoi fjalët e saj duke thënë se nuk e mbante mend dhe se nuk e kishte mendjen tek ajo çfarë po diskutonin vajzat me njëra-tjetrën. njëra-tjetrën.
