Grupi i famshëm muzikor “Metallica” ka pozuar sërish me flamurin shqiptar. Fotografia në fjalë është realizuar brenda në studio aty ku dhe grupi po bënte prova.
“Metallica” po zhvillon një turne në disa qytete të Italisë. Dje ata performuan në Bolonja dhe ndërsa përgatiteshin në prova, flamuri kuqezi ndodhej i varur prapa. Me siguri është vënë aty nga ndonjë fans shqiptar i tyre.
Kjo nuk është hera e parë që një foto e “Metallica”-ve me flamurin kuqezi bën namin në rrjetet sociale.
Pak muaj më parë, Ervin Gjonaj, i cili në “Instagram” mban emrin e liderit të grupit, ka shfrytëzuar takimin me ta, për të shpalosur flamurin kombëtar, duke pozuar me grupin. Ndoshta është i njëjti flamur.
Fansat e “Metallica”-s, realizuan një video kohë më parë ku i kërkonin Edi Ramës të sjellë grupin e rrokut të japin një koncert në Shqipëri. Shpresojmë që këtë vit t’u plotësohet kjo dëshirë.
