Edhe pse ka një post të rëndësishëm në politikën shqiptare, kur flitet për jetën familjare gjërat ndryshojnë.
Presidenti Ilir Meta postoi disa foto ku ndau detaje nga jeta e tij pas kamerës dhe u shfaq me një stil “casual”.
I veshur me xhaketë xhinse dhe këmishë me vija, kreu i shtetit gjithsesi nuk kishte zgjedhur atletet, që duket se nuk janë pjesë e stilit të tij.
Ai shfaqet brenda një dyqani me ushqime bio, ndërsa në postimin e Facebook-ut shkroi:
“Më në fund në lagjen tonë një dyqan i munguar me produkte organike nga të gjitha trevat, nga Malësia e Madhe në Gjirokastër”.
Pazarin e shtëpisë duket se në shumë raste ai ka zgjedhur që ta bëjë vetë dhe mos t’ia lërë bashkëshortes Monika Kryemadhit, e cila tashmë është më e angazhuar me protestat e opozitës.
