Met Gala është një aktivitet mode që mbledh këngëtaret, modelet dhe personazhet e njohur të veshur sipas një teme të caktuar. Është një nga eventet më të pritura të vitit, pasi e gjithë vëmendja drejtohet tek veshja e yjeve. Këtë vit, vendin e parë e rrëmbeu Rihanna, me fustanin e saj të jashtëzakonshëm e rikthimin në modë të sandaleve stil-gladiatori.
Tema për vitin 2018-të do të jetë :”Trupat qiellorë: Moda dhe Imagjinata katolike”.
Instituti i Kostumeve shpalli ekspozitën e tij me të njëjtin emër që do hapet në maj. Zonjat e shtëpisë të kësaj mbrëmjeje janë Rihanna, Amal Clooney dhe Donatella Versace, e cila është edhe sponsorja e ekspozitës.
“Kjo ekspozitë do të adresojë ndikimin e fesë dhe veshjeve meshtare në modë, të stilistëve të njohur Cristóbal Balenciaga-s dhe Donatella Versace-s”: shkruan “Vogue.com”.
Rreth 150 veshje do të jenë të shfaqura, përfshirë veshje nga Coco Chanel, që është edukuar nga murgeshat dhe nga John Galliano. Ekspozita do të shpërndahet në tre vende: Anna Wintour Costume Center, galeritë mesjetare në vendndodhjen qendrore të Met dhe Cloisters më në periferi.
Kanë qenë të shumtë dizanjerat, të cilët kanë prekur disi aspektin fetar në koleksionet më të fundit, duke filluar nga “D&G” e deri tek Jeremy Scott, që përdori ikonën e Jezusit si dizenjon primare në krijimet e tij. Me pak fjalë, opsionet nuk janë të pakta. Fakte të mëtejshme të rëndësishme priten të zbulohen në vijim, teksa interneti ka kthyer sytë nga Beyonce…Pse? Sepse askush nuk mundet ta marrë me mend se ç’do të veshë diva në një event me një temë kaq pikante! Shumë interesante MET Gala deri më tani…
