Lionel Messi mbrëmjen e djeshme bëri sërish histori duke fituar për herë të 8-të, “Topin e Artë”. Ky çmim vjen pasi ai fitoi Kupën e Botës në Katar me Argjentinën.
Aktualisht ai luan në Amerikë me Inter Miami.
Pasi mori në dorë çmimin e madh, ai u pyet në lidhje me vijimësinë e tij në futboll.
Në lidhje me këtë çështje Messi u shpreh se do të vazhdojë të luajë për sa kohë është në gjendje të mirë fizike, duke mos përcaktuar një moshë.
“Nuk e di! E di e kam thënë shpesh këtë kohët e fundit. Dua të vazhdoj ta shijoj, nuk e di për sa kohë jam mirë fizikisht dhe në gjendje të luaj do vazhdoj ta bëj. Nuk mund të them një numër, sepse nuk e di çfarë mund të ndodhë nesër. Futbolli ndryshon nga dita në ditë dhe shpresoj që të jetë sa më gjatë. Sepse kjo është ajo që doja dhe dua të bëj dhe shpresoj të vazhdoj sa më gjatë,”-tha Messi.
