Ditën e djeshme, legjenda e basketbollit Kobe Bryant humbi jetën si pasojë e një aksidenti me helikopter në Kaliforni.
Së bashku me basketbollistin humbën jetën edhe vajza e tij 13-vjeçare, Gianna, si dhe 7 persona të tjerë.
Kobe Bryant la pas bashkëshorten e tij Vanessa dhe tre vajzat e tyre Natalia, Bianca dhe të porsalindurën Capri.
Vajza e madhe e basketbollistit, Natalia, ka përfunduar në spital pasi ka mësuar lajmin për humbjen e të atit dhe motrës së saj.
Sipas mediave të huaja, 17-vjeçarja vuante nga astma dhe gjendja e saj është përkeqësuar shumë pasi ka mësuar lajmin.
Natalia ka pasur probleme serioze me frymëmarrjen dhe është dërguar menjëherë në spital, ndërkohë që ende nuk dihet si është tashmë gjendja e saj.
