Një qytezë italiane ku u testuan të gjithë banorët për koronavirusin, mund të kthehet në një shembull pozitiv për të gjithë ne që duam të zhdukim epideminë njëherë e mirë nga vendi ynë!
Qyteza Vo ndodhet në qendër të shpërthimit të epidemisë, në Italinë veriore. Në fillim të marsit u testuan të gjithë 3300 banorët rezidentë nga të cilët, rreth 3% e banorëve rezultuan të infektuar me virusin, dhe nga këta, rreth gjysma nuk shfaqnin ndonjë simptomë.
Çfarë ndodhi më pas? Pas dy javësh nën një izolim të rreptë dhe karantinim të të gjitha rasteve, vetëm 0.25% e banorëve u infektuan. Qyteti i izoloi edhe këto raste të fundit dhe nga e premtja (13 mars), sipas Sky News, nuk ka raportuar asnjë rast të ri me këtë virus.
Por çfarë mund të mësojmë nga kjo qytezë përveç faktit që testimi është super i nevojshëm për të parandaluar përhapjen e epidemisë?!
“Mësimi kryesor është se izolimi i të gjitha rasteve pozitive, pavarësisht nëse ata ishin të sëmurë apo jo, zvogëloi transmetimin me 90%”, tha Andrea Cristani, një profesor i mikrobiologjisë në Universitetin e Padovës në Itali i cili ndihmoi në kryerjen e testimit.
Ky mesazh i bën jehonë një deklarate të fundit nga Organizata Botërore e Shëndetit (WHO)., sipas së cilës, të gjitha vendet duhet të jenë në gjendje të provojnë rastet e dyshuara.
“Nuk mund ta luftojmë këtë pandemi duke qenë të verbër”, tha Tedros Adhanom Ghebreyesus, drejtori i përgjithshëm i WHO.
Rastet me COVID-19 në pjesën tjetër të Italisë janë rritur ndjeshëm në javët e fundit. Vendi ka raportuar më shumë se 35.700 të infektuar dhe gati 3,000 vdekje nga e mërkura (18 mars).
Por një dështim i vendit fqinj që e çoi vendin në kolaps ishte fakti që pasi u testuan të gjithë të dyshuarit me koronavirus, ata u shtruan të gjithë nëpër spitale, kishin ose jo simptoma!
Nga kjo duhet të nxjerrim mësimin se jo kushdo që del pozitiv duhet të shkojë në spital. Qyteza italiane i vendosi të gjithë të infektuarit në izolim, edhe ata pa simptoma dhe sot arrin të ketë 0 raste të reja me koronavirus.
https://www.instagram.com/p/B99AGtHAYYs/
