Studentët u ‘prenë’ në besë nga qeveria vetëm 3 ditë para se të fillonte mësimi, duke vendosur që të zhvillohet online dhe jo në auditor.
Por, askush nuk mori parasysh që këta studentë kanë shpenzuar shumë para për të ardhur në Tiranë dhe për t’u bërë gati për nisjen e shkollës.
Diçka që është folur shumë pak apo ndoshta aspak është edhe abonoja e studentit që është blerë nga ata dhe tashmë duhet ta hedhin në kosh pasi askush nuk u përgjigjet.
Aboneja e studentit gjithmonë ka qenë me probleme për shkak se asnjëherë nuk e ka plotësuar numrin e kërkesës që ka pasur për të, kompanitë nxjerrin shumë pak abone në treg për shkak se është edhe më e lira.
Ne e mirëpresim këtë vendim të qeverisë për të mos e zhvilluar mësimin në auditorë pasi realisht është një rrezik më shumë i përhapjes së virusit, por duhet të kishte njoftuar shumë më herët se 3 ditë para nisjes së mësimit.
Prej 3 ditësh studentët kanë dalë në protestë tek ministria e Arsimit ku kërkojnë që të rikthehen në auditore. /GazetaReforma.com/
