Femrat i perceptojnë meshkujt të cilët reklamojnë pasurinë e tyre, si partnerë të papërshtatshëm për një marrëdhënie afatgjatë.
Studiuesit amerikanë nga Universiteti Buffalo kanë zbuluar se shfaqjet e shkujdesura, të tilla si të pasurit të një makine ekstravagante që bie shumë në sy, mund të jetë e dëmshme kur bëhet fjalë për gjetjen e një partneri potencial.
Ndaj meshkujt që drejtojnë automjete ekstravagante shihen si më pak të besueshëm dhe të interesuar në raporte seksuale.
Studimi, i cili është publikuar në revistën ‘Evolutionary Psychological Science’, ka anketuar gjithsej 375 studentë për të parë se si e interpretojnë një mashkull kur reklamon pasurinë e tij.
Rezultatet kanë treguar se dy gjinitë, meshkujt e femrat, i vlerësojnë meshkujt me vetura të shtrenjta si më të interesuar në lidhje të shkurta seksuale dhe nuk i shohin si të përshtatshëm për lidhje serioze afatgjatë.
Burimi: The Independent
