Edhe pse janë bërë tre vite që kur Paul Walker u nda nga jeta, kujtimi i tij mbetet i paharrueshëm. Një nga miqtë më të ngushtë dhe aktor në “Fast and Furious”, Tyrese Gibson përkujtoi të ndjerin Walker në 3-vjetorin e vdekjes së tij tragjike.
Walker vdiq më 30 nëntor të 2013-s, pasi Porsche Carrera GT u përplas dhe shpërtheu në flakë. Të gjithë miqtë e tij e përkujtojnë me dhimbje humbjen e tij, ndërsa Gibson postoi një video me kolonë zanore “Coming Home”.
“Kjo javë është gjithmonë e vështirë për të gjithë ata që e njohën personalisht me 14 vjet të qeshura, përqafime dhe dashuri për një nga njerëzit më të mirë!!!! Më 30 nëntor ne humbëm një engjëll! Paul e trajtonte këdo me respektin më të madh dhe u largua nga rruga e tij për të bërë të gjithë të ndjehen të rëndësishëm…. të dua dhe më mungon i shtrenjti im. Ne thjesht i kërkojmë lutje për ty në të gjithë botën, për vajzën e tij dhe mbesën tonë, Meadow Walker dhe vëllezërit e tij të dashur, Cody dhe Caleb, prindërit … Shpirti të pushoftë në paqe, dhe shpresojmë se të bëjmë krenar çdo ditë!!! Qëndro në parajsë! P- Dubber!!!”, lexohet në mbishkrimin e videos.
Ndërsa Vin Diesel, miku i tij më i ngushtë ndërroi foton e “Facebook”-ut me një foto të tijën dhe të Paul.
Burimi: Facebook
