Alarmet false në “WhatsApp” kanë qenë gjithmonë të përhapura, sepse e vërteta është që edhe sado që duam nuk jemi në gjendje t’i “heqim qafe”. Së fundmi është një virus i quajtur “Machupo”, i cili po “trondit” shqiptarët prej dy ditësh.
Një emër i çuditshëm dhe i vështirë për t’u thënë, por tashmë ka prekur shumë njerëz që besojnë se mesazhi është i vërtetë.
Shumë prej jush mund t’iu ketë ardhur një mesazh ku kërkon vëmendjen tuaj që të mos pini këtë ilaç. Mesazhi kishte këtë përmbajtje:
“Lajmërim URGJENT! Mos konsumoni paracetamol në të cilin shkruan p/500. Është një tabletë me shkëlqim dhe shumë i bardhrë, mjekët paralajmërojnë se përmban virusin “machupo”, që konsiderohet si një prej viruseve më të rrezikshëm me një shkallë të lartë të vdekshmërisë. Ju lutem shpërndanajeni sa më shumë, shpëtoni jetë”.
E gjitha kjo është një gënjeshtër!
Arsyen mund ta nisim nga fakti që nëse do të ishte i vërtetë atëherë nuk do të shpërndahej përmes “WhatsApp”-it, por fillimisht përmes lajmeve.
Mediat italiane shkruajnë se paracetamoli i ri p/500 nuk shkakton asnjë shqetësim shëndetësor.
Çfarë mund të bësh ti?
Nëse të vjen ky mesazh atëherë mos e shpërnda sepse është një gënjeshtër. Dhe në këtë mënyrë nuk shqetësoni as njerëzit e tjetër për një rreng.
Burimi: Iconstyle.al
