Edhe një herë Shakira është bërë temë e bisedës në rrjetet sociale, edhe pse jo për shkak të ndonjë kënge, duke talluar Pique. Këtë radhë ajo po përflitet për shkak të një fjale që thuhet se e ka thënë për Clara Chia Marti, të paktën kështu mendojnë fansat, të cilët u befasuan nga fraza që kolumbiania përdori në rrjetet sociale.
46-vjeçarja ka postuar një fotografi duke e shoqëruar me fjalën “Chiaroscuro”. Shakira shihet shumë e fokusuar te telefoni, teksa i ka flokët e lëshuara dhe i mbulon me një kapele të zezë.
Nuk dihet nëse kjo ishte një mesazh për Clarën apo është ekzagjeruar nga fansat.
Kujtojmë se Shakira dhe Gerard Pique kanë gati 1 vit që kanë konfirmuar ndarjen e tyre. Pique, i cili njoftoi tërheqjen e tij nga futbolli pasi ishte i ngarkuar emocionalisht, thuhet se ka dhënë pëlqimin që ish-partnerja e tij të transferohet në Miami me fëmijët e tyre Milan, 9 dhe Sasha, 7 vjeç. Kjo marrëveshje është bërë sipas mediave të huaja për të shmangur një betejë të gjatë ligjore mes tyre.
