Katër persona u konfirmuan të vdekur, një prej tyre është sulmuesi dhe tjetri oficeri i policisë. Ky është bilanci i sulmit terrorist, që ndodhi pasditen e së mërkurës (22 mars) në Londër, jashtë “Parlamentit Britanik”.
Sipas raportimeve të “NBC News”, u dëgjuan të shtëna dhe një oficer policie u godit me thikë.
Agresori me thikë, i përshkruar si një aziatik rreth të 40-ave, arriti të futej në kopshtin e Parlamentit dhe ka gjuajtur me thikë një oficer policie, përpara se të qëllohej për vdekje.
Më shumë se 10 persona thuhet se janë goditur me automjetin “4×4” në urën “Westminster”, që raportohet se drejtohej drejt turmës së këmbësorëve dhe çiklistëve. Tri trupa dukeshin qartë të shtrirë jashtë Parlamentit, ndërsa ndërtesa është rrethuar dhe mbyllur me urgjencë.
Kryeministrja Theresa raportohet të jetë futur në një makinë nga një oficer policie i veshur jo me uniformë dhe është larguar menjëherë nga vendngjarja.
Agresori thuhet se ka qenë i vetëm teksa drejtonte automjetin gjatë urës “Westminster”, përpara se të përplasej me gardhin e Dhomës së Parlamentit dhe të futej në kopsht. Punimet e Dhomës së Përfaqësuesve janë pezulluar nga nënkryetarja Lindsay Hoyle. Deputetët janë urdhëruar të qëndrojnë brenda e të mos dalin jashtë.
Njerëzit jashtë pallatit shiheshin teksa vraponin, ndërsa janë dëgjuar edhe të shtëna. Deri më tani 7 persona janë vënë në pranga për ngjarjen dramatike.
“Celebrities” kanë folur përmes rrjeteve sociale lidhur me eventin, duke u sensibilizuar me shprehjen “Nuk kemi frikë” dhe duke u bërë thirrje njerëzve që të qëndrojnë të sigurt.
