Rreth dy vite më parë, në 2017-n, WhatsApp-i i dha mundësinë të gjithë përdoruesve të aplikacionit që të fshinin mesazhet.
Pavarësisht se ia dërgove dikujt gabimisht apo u pendove për atë që nise, zgjidhja është e thjeshtë. Mjafton të fshish brenda një afati kohor prej shtatë minutash atë që dërgove dhe nuk mund ta shohë më dot askush.
Por nëse kujtuat se mesazhet u zhdukën përgjithmonë e keni gabim, pasi është gjetur një mënyrë sesi të rikthehen.
Për të bërë një gjë të tillë, përdoruesit thjesht duhet të fshijnë aplikacionin dhe ta riinstalojnë atë.
Në momentin që hapet, zgjidhni opsionin që të rikthehen të gjitha komunikimet nga bisedat e arkivuara. Kjo gjë rikthen të gjitha mesazhet edhe ato që keni fshirë.
