Kryeministri Edi Rama ka hedhur poshtë të gjithë ato zëra që thonë se në vendin tonë ka raste të pacientëve me Koronavirus që po trajtohen fshehtas.
Duke publikuar një video ku flet shefja e departamentit të Sëmundjeve Infektive, Silva Bino, kreu i qeverisë shkruan se Koronavirusi nuk e ka prekur Shqipërinë, ndonëse mbetet një kërcënim potencial, për të cilin janë marrë të gjitha masat për ta përballuar.
Rama shprehet se të njëjta mendje të shthurura që publikuan lajme fake gjatë ditëve e netëve pas tërmetit, po veprojnë edhe me situatën e koronavirusit. Kryeministri bën thirrje të mos biem pre e tyre.
Statusi i kryeministrit Rama:
?KORONAVIRUSI NUK E KA PREKUR SHQIPËRINË! POR SI PËR GJITHË BOTËN ËSHTË NJË KËRCËNIM POTENCIAL, PËR TË CILIN JANË MARRË TË GJITHA MASAT NË RAST SE DO TË NA DUHET TA PËRBALLIM
?TË NJËJTAT MENDJE TË SHTHURRURA, QË JU SHQETËSUAN KEQ ME LAJMET FALLCO DHE ME GOJËLIGËSINË E TYRE GJATË DITËVE E NETËVE TË GJATA PAS TËRMETIT, JANË NË VEPRIM
?MOS BINI PRE E TYRE DHE JINI TË SIGURT SE SHTETI SHQIPTAR PO E BËN PREJ KOHËSH DETYRËN PËR TË QENË NË GATI NË RAST SHFAQJEJE TË KORONAVIRUSIT, TË CILIN JEMI TË GATSHËM TA PËRBALLIM ME ORGANIZIM DHE PROFESIONALIZËM TË LARTË
