Vetëm disa ditë më parë, këngëtari shumë i njohur dhe i pëlqyer nga femrat, Ledri Vula, festoi 33-vjetorin e tij të lindjes. Megjithëse të gjithë prisnim një super festë ditëlindjeje, në fakt Ledri e festoi 33-vjetorin e tij duke punuar. Ai ndodhej në një koncert, ku ka marrë dashurinë e madhe të publikut shqiptar, ndërsa më pas ka organizuar një festë të vogël me familjarët e miqtë e tij.
Tashmë që është 33-vjeç, këngëtari është gati të bëhet baba dhe këtë na e ka treguar njëri prej miqve të tij. I ftuar në emisionin “Sonte”, Ledri tregoi se ja kishte nisur punës për të sjellë në jetë një fëmijë.
“Duke parë këtë sesa i lumtur është me djalin, ma ka shti edhe mua në qejf.”- u shpreh Ledri, duke iu referuar shokut të tij, Dj Gramafon.
Ndërkohë ky i fundit u shpreh: “Tu e dhezë unë, n’cevë osht.”- duke lënë të kuptohet se shumë shpejt Ledri mund të bëhet baba.
Kujtojmë se prej kohësh kanë qarkulluar lajmet se këngëtari është në një lidhje me një vajzë të quajtur Sara Hoxha, e cila është parë shpesh në të njëjtat ambiente me Ledrin, megjithatë çifti nuk e ka konfirmuar asnjëherë publikisht këtë lidhje.
