Aktori i njohur i humorit, Florjan Binaj, ishte i ftuar pasditen e sotme në emisionin “Ftesë në pesë” me Bieta Sulon.
Ai ka folur për punën e tij në televizion, ku do ta shohim sërish këtë sezon si në “Portokalli”, ashtu edhe tek “Shiko kush Luan”.
Moderatorja Bieta Sulo e ka vënë në siklet Florin gjatë intervistës, duke i kërkuar të bëjë një zgjedhje mes Xhemi Shehut të “Portokallisë” dhe Luana Vjollcës së “Shiko kush Luan”.
Aktori ka dhënë një përgjigje diplomatike, duke thënë se është një marinar shumë i bindur për cilëndo kapitene, mirëpo Bieta ka insistuar për një zgjedhje.
Kështu, Flori u shpreh se turni i parë është Xhemi dhe turni i dytë është Luana, duke i bërë qejfin të dyja kolegeve të tij.
Kujtojmë se “Shiko kush Luan” do të nisë transmetimin në ekran më 28 shtator, ndërsa “Portokalli” më 6 tetor.
