Gjatë 24 orëve të fundit në vendin tonë u shënuan 5 viktima nga Covid-19 dhe 833 raste të reja. Mes viktimave ishte dhe një vajzë 26-vjeçare, fakt që tronditi jo pak njerëzit ditën e sotme. Në fillim nuk pati asnjë informacion për ndarjen e saj nga jeta në një moshë kaq të re, ndërkohë që AbcNews ka mësuar se 26-vjeçarja vuante nga disa sëmundje të tjera bashkëshoqëruese.
Sipas informacioneve e ndjera ishte me origjinë nga Mati dhe ishte shtruar në spitalin Covid-2, i njohur si Sanatoriumi. Katër pacientët e tjerë që ndërruan jetë sot janë; 2 qytetarë nga Tirana, 1 qytetar nga Korça dhe 1 qytetar nga Kruja.
Ministria e Shëndetësisë raportoi se gjatë 24 orëve të fundit janë realizuar 3511 testime, prej të cilave rezultuan pozitivë 833 persona. Aktualisht në 4 spitalet COVID, po trajtohen 286 pacientë, 18 në terapi intensive nga të cilët 3 pacientë janë të intubuar. Ndërkohë në 24 orët e fundit janë shëruar 506 qytetarë, duke e çuar numrin e të shëruarve 43,890 që nga fillimi i epidemisë.jatë 24 orëve të fundit pjesa më e madhe e rasteve me Covid-19 janë shënuar në disa nga qytetet më të mëdha të vendit si: Tirana, Elbasani, Durrësi, Berati dhe Shkodra.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.
