Detaje të reja kanë dalë në dritë në lidhje me ngjarjen e rëndë që tronditi Maqedoninë e Veriut mbrëmjen e djeshme ku humbën jetën 14 persona.
Gazetarja Liridona Vejseli ka dhënë një intervistë për emisionin “Shqipëria Live” dhe ka treguar ndër të tjera se pjesë e kësaj tragjedie të rëndë ka qenë edhe një 22 vjeçare që kishte ndërruar jetë nga Covid-19 dhe më pas është shkrumbuar nga flakët.
Gjithashtu ajo ka treguar se janë identifikuar të gjitha viktimat dhe se numri i tyre për fat të keq nuk është përfundimtar. Dyshohet se 6-7 persona që po kujdeseshin për të afërmit e tyre mund të kenë ndërruar jetë.
Po ashtu gazetarja ka treguar se ka ndërruar jetë edhe një 29-vjeçare e cila kujdesej për nënën e sëmurë nga COVID-19. Gazetarja ka bërë me dije se aktualisht në spital ndodhen 12 pacientë, të cilët janë nën kujdesin e mjekëve dhe ka treguar se ekspertiza në lidhje me zjarrin është drejt fundit.
“Një 22-vjeçare ka ndërruar jetë nga koronavirusi dhe më pas është shkrumbuar nga flakët. Mes viktimave është një 15-vjeçare që ishte e prekur nga Covid dhe një 29-vjeçare që ishte për t’u kujdesur për nënën e sëmurë nga koronavirusi.
Janë identifikuar të gjitha viktimat. Numri i viktimave nuk është përfundimtar. 26 pacientë kanë qenë të shtruar. Këta persona kanë pasur familjar që kujdeseshin për ta. Thuhet se 6-7 persona që ishin duke mbikëqyrur të afërmit e tyre të sëmurë, mund të kenë nderuar jetën, por nuk është ende zyrtare”, tha Vejseli.
