Kourtney Kardashian festoi ditën e djeshme 43-vjetorin e lindjes dhe mesazhet e urimit për të ishin të shumta. Ajo mori urime dhe disa surpriza shumë të veçanta nga familjarët e saj, partneri, Travis Barker, fëmijët dhe miqtë. Mes mesazheve të urimit nuk mungoi as ai i ish-it të saj, Scott Discik, me të cilin Kourtney ka 3 fëmijë.
Ai ndau në Instagram një foto me Kourtney-n dhe fëmijët e tyre (Mason, Penelope dhe Reign) dhe shkroi disa fjalë shumë të ëmbla për ish-partneren e tij.
“Gëzuar ditëlindjen mami më e mirë që mund të kërkojë një fëmijë dhe disa më shumë!”, shkroi Scott në urimin për Kourtney-n.
Ky mesazh erdhi pak pas dedikimit që partneri aktual, Travis Barker, i bëri yllit të televizionit.
“Të dua shumë! Ti je një bekim për këtë botë. Gëzuar ditëlindjen Kourtney“, shkroi Travis shoqëruar me disa foto shumë romantike duke u puthur me partneren e tij.
Gjithashtu ditën e djeshme, Travis Barker, i dërgoi Kourtney-t dhuratën më të bukur. Ai i dërgoi asaj një buqetë gjigante me lule, madje një nga më të mëdhat që na kanë zënë sytë. E lumtur për këtë surprizë, Kourtney e ndau menjëherë me ndjekësit e saj në Instagram.
“Tulipanët dhe gardeniat janë lulet e mia të preferuara. E gjithë shtëpia ime mban aromë të mirë”, ka shkruar Kourtney përkrah fotos. Lulet përfshinin tulipanë të bardhë dhe myshk të vendosura në një vazo dhe gardenia të bardha që vareshin në tavan.
