Artikujt nga arkivat e këngëtares së ndjerë Amy Winehouse, duke përfshirë tekste të shkruara me dorë dhe një këmishë të personalizuar bowling, po dalin në ankand nga Sotheby’s, si pjesë e ankandit të saj përurues të kulturës popullore, shkruajnë mediat e huaja.
Artikujt e Winehouse po nxirren në ankand nga këngëtari Tyler James, i cili ishte një nga miqtë e saj më të mirë. Tekstet e shkruara me dorë përfshijnë Cherry, një këngë e fshehur nga albumi i saj debutues Frank, dhe tekste të këngëve të papublikuara Like Smoke dhe Knights Before.
“Ndarja e këtyre artikujve me fansat e Amy është fillimi i një udhëtimi të ri për mua dhe një kapitull i ri i jetës sime në dëshirën për të ndihmuar të tjerët dhe për të dhuruar diçka”, tha Tyler James në një deklaratë. “Unë e di se Amy do ta mbështeste këtë nismë me gjithë zemër.”
