Teksa ishte e ftuar ditën e sotme në emisionin “Rreze dielli”, moderatorja Jonida Shehu ka folur për karrierën e saj prej 17 vitesh në televizion.
Ndër të tjera, ajo është pyetur edhe për konkurrencën që dikur ka patur me emisionin e pasdites përballë Rudina Magjistarit si dhe konkurrencën aktuale me Blendi Fevziun.
Jonida ka treguar se më parë nuk është përballur me Rudinën, sepse emisioni i saj transmetohej njëkohësisht me një telenovelë indiane në televizionin tjetër.
“S’kam arritur të jem përballë Rudinës si ndodh tani, pasi në atë kohë kishim përballë një telenovelë indiane.
Me Blendin sigurisht kemi qenë në të njejtin orar pjesën më të madhe, por mendoj që secili nga ne ka atë tunelin e tij”- është shprehur Jonida, pa dashur të cilësojë asnjërin prej kolegëve si konkurrent.
Momentalisht, Jonida është autore dhe moderatore e emisionit “Soiree”, i cili këtë sezon do të jetë prime time.
