Modelja e njohur Angela Martini na habiti të gjithëve me vendimin e saj të papritur për të kurorëzuar dashurinë e saj me biznesmenin rumun Dragos Savulescu.
Shoqëruesja e veçantë e dasmës së tyre të çmendur ishe këngëtarja Bleona Qerreti. Dihej miqësia e ngushtë mes dy vajzave simpatike, por që ishin kaq të afërta nuk e kishim menduar ndonjëherë.
Bleona ka treguar se është emocionuar shumë kur Angela i ka kërkuar që ajo të jetë dëshmitarja e dasmës së saj.
“Dy nga njerëzit më të bukur brenda dhe jashtë që kam takuar ndonjëherë: Angela Martini dhe Dragos Savulescu!!! U përlota kur më kërkuan të isha dëshmitarja dhe shoqëruesja e nuses në ditën e tyre shumë speciale të martesës!!! Faleminderit që më bëre pjesë të këtij momenti të rëndësishëm në jetën tënde, motra ime e bukur Angela. Të dua dhe do të të kem me vet përgjithmonë!!! Ju uroj gjithë dashurinë dhe lumturinë e botës dhe Zoti ju bekoftë të dyve. Me trashëgime dhe jetë të lumtur”, shkruan Bleona në “Instagram”.
