Këngëtarja Miley Cyrus ka bërë për vete botën me sinqeritetin e saj dhe intervistat e saj janë gjithmonë shumë transparente dhe pikante.
Në intervistën e fundit në ‘Heart FM’, ajo u bë pjesë e lojës ‘Do you rather’, ku u vendos përballë një pyetjeje të vështirë.
Miley u detyrua të zgjedhë mes Justin Bieber dhe Harry Styles, se cilin do të puthte nga dy djemtë.
“Harry”- u përgjigj Miley pa pikë hezitimi, duke shtuar se i pëlqen gjithashtu pamja e tij e re.
Përsa i përket Justin Bieber, këngëtarja sqaroi se e shikon atë si pjesë të familjes, pasi e njeh prej shumë kohësh.
Cyrus ka pak kohë që i ka dhënë fund lidhjes së saj me Cody Simpson dhe duket se është gati për një tjetër romancë në jetën e saj. Së fundmi këngëtarja ka treguar se çfarë kërkon tek njeriu që do të ketë përkrah dhe i ka habitur të gjithë me deklaratën e saj. Ajo është shprehur se lidhjet e saj të mëparshme i ka shijuar shumë, por tani po kërkon për një njeri “të mërzitshëm”.
“Kam nevojë për një njeri të qetë. Dua dikë të mërzitshëm, por të sigurt”, është shprehur Miley.
Gjithashtu ajo ka shtuar se po mban një sy hapur gjatë gjithë kohës për të gjetur dashurinë e saj të radhës. Vitet e fundit kanë qenë shumë të trazuar për sa i përket aspektit të dashurisë për këngëtaren e famshme. Në vitin 2018-të ajo vendosi të martohej me Liam Hemsworth pas një lidhjeje 11-vjeçare, por martesa e tyre zgjati shumë pak dhe ata u divorcuan.
Më pas ajo nisi një romancë me mikun e saj të fëmijërisë, Cody Simpson, por dhe me atë u nda në gushtë të këtij viti.
