Shën Valentini këtë vit solli shumë emocione në familjen Beckham, ku një dedikim i veçantë nga Harper Seven për vëllain e saj Brooklyn Beckham tërhoqi vëmendjen e publikut, pavarësisht tensioneve të fundit familjare.
Harper Seven publikoi në Instagramin e saj privat një foto bardhezi të vjetër me vëllezërit e saj, duke i uruar atyre Ditën e të Dashuruarve. Në imazh, ajo shfaqet duke përqafuar Brooklyn-in pranë një pishine, ndërsa Romeo dhe Cruz qëndrojnë pas tyre me krahët rreth njëri-tjetrit, në një moment familjar plot ngrohtësi.
Krahas fotos, Harper shkroi një mesazh emocional:
“Ju dua të gjithëve aq shumë sa fjalët nuk mund ta përshkruajnë”, duke i bërë tag tre vëllezërve të saj më të mëdhenj. Postimi u ripostua edhe nga Romeo, i cili shtoi një emoji të pafundësisë, ndërsa më vonë u shpërnda edhe nga Victoria Beckham, e cila reagoi me një emoji zemre të kuqe.
Në një tjetër dedikim, Harper uroi publikisht:
“Gëzuar Ditën e Shën Valentinit për vëllezërit më të mirë në gjithë botën”, ndërsa postimi shoqërohej me këngën “Big Girls Don’t Cry”.
Ky gjest familjar vjen në një periudhë jo të lehtë për Brooklyn Beckham. Më 19 janar, ai kishte akuzuar familjen e tij për ndërhyrje në marrëdhënien me bashkëshorten Nicola Peltz Beckham. Sipas deklaratave të tij, në ditën e dasmës kishte pasur tensione, duke pretenduar se nëna e tij Victoria kishte anuluar fustanin e nuses në momentet e fundit dhe kishte “rrëmbyer” vallëzimin e parë të çiftit.
Raportimet mediatike sugjerojnë gjithashtu se Brooklyn ka ndërmarrë hapa për t’u distancuar nga familja, madje duke hequr tatuazhe që lidhen me ta. Megjithatë, dedikimi i Harper Seven duket se tregon se lidhjet familjare mbeten ende të forta, pavarësisht mosmarrëveshjeve.
Sipas burimeve pranë familjes, një ribashkim i plotë mund të ndodhë vetëm nëse Victoria dhe David Beckham bëjnë përpjekje për të përmirësuar marrëdhënien me djalin e tyre.
