Ditën e djeshme, “Iconstyle” publikoi një video ekskluzive të një sherri të dhunshëm në një club nate në Sarandë, ku ishte e pranishme Trejsi Sejdini.
Teksa një vajzë bërtiste me të madhe, në sfond dëgjohej të thirrej emri i Trejsit dhe miss-i u shfaq në video e revoltuar.
Megjithatë, 19-vjeçarja ka publikuar ditën e sotme një sqarim në Instastoryn e saj për sherrin e dhunshëm në Sarandë. Sipas Trejsit, ajo kishte qenë thjesht e pranishme në vendin e ngjarjes por nuk kishte marrë pjesë në sherr.
Ajo i thotë të gjithëve të merren me punët e tyre, duke treguar se po shijon pushimet.
“Përshëndetje! Ka disa ditë që qarkullon lart e poshtë një video ku duket sikur unë përfshihem në një debat. Faktikisht pamjet e njerëzve jashtë atij clubi të lënë ta mendosh diçka të tillë por unë doja t’ju qetësoja sadopak të gjthëve pasi lajmi nuk është i vërtetë. Unë kam ardhur për pushime me mikeshat e mia dhe s’kam lidhje me asnjë konflikt. Nuk është faji im që ka njerëz që zihen nëpër clube ku jam dhe unë prezente po kjo s’do të thotë detyrimisht që kam dhe unë lidhje me sherrin! Kështu që merruni me punët tuaja se të ishte për portalet do më kishin nxjerrë mam të divorcuar me dy kalamaj deri tani. Kalofshi një ditë të mirë!”- shkruan Trejsi në postim.
Kujtojmë se kjo nuk është hera e parë që Trejsi përfshihet në sherre të dhunshme.
